By: Kara David
Kung kalusugan ang pag-uusapang, ang
malinis at ligtas na tubig ang kailangan ng mga mamamayan. Bagamat halos lahat
ng mga sambahayan sa Metro Manila at iba pang karatig na Urban Areas sa Luzon,
iilan naman sa ating mga kapwa Pilipino sa mga kanayunan ang kulang, o kung
hindi naman, ay talagang walang mapagkunan ng maayos na tubig. Ang resulta, malaking kaso ng mga
nagkakasakit na nauugnay sa paggamit ng maduming tubig.
Sa tansiya ng Department of Health
(DOH), higit na malaki ang naitatalang sakit na diarrhea sa mga kanayunan
kumpara sa mga lugar sa Metro Manila dahil na umano sa hindi naaabot ng supply ng tubig.
Mahigit 85 porsyento ng mga naninirahan sa kanayunan sa Pilipinas ang
walang sapat na suplay ng malinis na tubig, ayon kay Senador Ramon “Bong"
Revilla Jr.
“Sumasaklaw ito sa 85 porsyento ng mga residente
sa kanayunan ang wala pang kaukulang access sa sapat na suplay ng malinis na
inuming tubig na isang dahilan sa paglaganap ng mga water-borne diseases tulad
ng typhoid fever, amoebiasis at diarrhea," ayon sa pahayag ng senador.
Sinabi nito
na 763 bayan at lungsod sa bansa ang wala pang water district kaya iginiit ni
Revilla na amyendahan ang Presidential Decree No. 198 o ang Provincial Water
Utilities Act.
“Five
hundred ninety five (595) water districts that have been formed covering seven
hundred thirty seven (737) cities and towns throughout the country provide
potable drinking water to some 13.3 million Filipinos," paliwanag ng
senador.
“Through an
improved water utility system, economic growth in a community speeds up,
safeguards public health, and protects the well-being of the citizenry,"
idinagdag niya.
Batay umano
sa ulat ng United Nations Development Programme (UNDP), ang global development
network ng United Nations, lumitaw na mahigit 10 milyong Filipino ang walang
paraan upang makakuha ng malinis na inuming tubig, habang mahigt 21 milyon
naman ang kulang sa sanitasyon.
Batay sa
UNDP report, karamihan sa napagkakaitan ng malinis na tubig at kulang sa
sanitasyon ay mga nakatira sa iskuwater at mga mahihirap na naninirahan sa
rural areas.
Tinukoy sa pag-aaral na kritikal ang kalidad ng tubig sa mga matataong lugar gaya ng Metro Manila, Central Luzon, Southern Tagalog, at Central Visayas.
Tinukoy sa pag-aaral na kritikal ang kalidad ng tubig sa mga matataong lugar gaya ng Metro Manila, Central Luzon, Southern Tagalog, at Central Visayas.
“Nahaharap
na ang bansa sa problema sa food security. Ang malala pa rito hindi pa tayo
makapagbigay ng malinis na inuming tubig. Nakakadismayang marami pa rin sa
ating mga kababayan ang wala pa ring direct access sa malinis na inuming tubig
gayong ang Pilipinas ay bansang mayaman sa tubig," puna ni Revilla.
Hiniling ni
Revilla sa mga kasamahan sa Senado na aprubahan ang Senate Bill 2486 para
maitaas ang capital ng LWUA sa P25 bilyon mula sa kasalukuyang P2.5 bilyon
upang mapalawak ang benepisyo sa maayos na potable water system. Ang LWUA ay isang specialized lending
institution na may mandato na itaguyod at tingnan ang pagpapaunlad ng
provincial waterworks systems sa bansa.
BUOD NG KWENTO:
Ang
pamilya ni Moymoy, Pamilya Salafar, ay isa lamang sa libu-libong pamilyang
naninirahan sa Balut, Masbate na walang sapat ng suuplay ng tubig. Ang
karamihan, humuhukay ng mga balon. Hindi alintana ang maaaring masamang idulot
sa kalusugan ng paggamit ng tubig na nagmumula dito.
Sinamahan
ni Kara David si Moymoy kung saan sila nag-iigib ng balde-balde at timba-timbang
tubig. Ang problema, sa kabilang bundok pa ang balong kanilang pinagkukuhaan ng
tubig. Upang hindi lubusang mapagod sa kilo-kilometrong lalakarin ay minabuti
ni Moymoy na magdala ng Kalabaw na may dala-dalang pinagdugtong na pawid at mga
kawayan. Magsisilbi itong patungan ng mga balde kapag napuno na ito. Pagod man
sa kakalakad papuntang balon ay hindi ito inalintana ni Moymoy at walang
sinayang na oras at agad na nag-igib. Ito ang gawain ni Moymoy sa
pang-araw-araw at kung minsan, ay kasama ang umaga. Maaga pa lamang ay umaalis
na ito ng tahanan upang mag-igib upang maaga ding makauwi at magamit ang tubig.
Nang
mapuno na ang lahat ng mga balde ay isinalansan na ito sa parang kariton na
hila-hila ng kalabaw. Inakala kong tapos na ang paghihirap ng musmos na si
Moymoy. Ngunit, mas malaking kalbaryo pala ang kaniyang kakaharapin. Dahil
walang mga takip ang mga balde at mga timba, madalas na maraming tubig ang
natatapon mula dito dahil sa mababato at lubak-lubank na mga daanan. Sa bawat
patak ng nasasayang na tubig, ay mababakas sa mukha ng bata ang panghihinayang
sa pinagpagurang tubig.
Sa
pananaliksik ni Kara David, hindi lang pala nag-isa ang pamilya ni Moymoy sa
dumaranas ng kauhawaan sa tubig. Ayon sa tala ng Department of Interior and
Local Government (DILG), sa 5540 pamilya sa Balut, Masbate, 175 lamang sa mga
ito ang mgay sapat na mapagkukunan ng malinis na tubig.
Ayon
pa sa pamilya Salafar, sampung taon na silang hirap sa paghahagilap ng tubig na
malinis. Ang mga naiigib ay ginagamit pangligo, panglaba, paghugas ng mga
plato, at ang nakapanlulumong aking natuklasan, ginagamit din nila itong
inumin. Ayon pa sakanila, sa mga panahong pila-pila ang nag-iigib ng tubig,
malas mo kung mahuli ka. Dahil tiyak, ang masasalok mo, latak. Kung kaya’t nagkukumahog
ang bawat pamilya na sumalok ng maaga sa mga balong upang higit na mas malinis
na tubig ang makukuha.
Ayon
pa sa tanggapan ng Balut, Masbate, sampung libong piso ang nilalaan nila
pambili ng loperamide at antibiotic kada buwan. Ang mga gamot na ito ay para sa
sakit sa sikmura bunga ng pagkonsumo ng maduduming tubig.
ARAL:
Isa
sa mga aral na naidulot sa akin ng dokyumentaryong ito ay ang pagpapahalaga sa
tubig. Habang ako ay madalas na nag-aaksaya sa paglalaro ng malinis na tubig,
heto ang iba kong kapwa Pilipino ay hirap na hirap at halos ibuwis ang buhay
makatikim lamang at mapawi ang uhaw ng lalamunan. Ika nga “Malalaman mo lamang
ang halaga ng isang bagay kapag wala na ito.” At bilang isang mamamayang
Pilipino, higit kong pangangalagaan ang mga bagay na nakukuha ko sa madaling
paraan, ang MALINIS NA INUMING TUBIG.
Its not balut po its Balud.
ReplyDeleteanopo yung layunin ng kwento
ReplyDelete